ဓမၼစက္

``နာဲထ၀္´´ ပတုိန္ထ႟း အာတ္မိက္လ၀္ မိက္ဂြံတီပေရာ `ဓမၼစက္´တုဲ တၝဲဏံ အဲလၜေသာင္ကုဪ ပေရာဓ၀္ `ဓမၼစက္´ ဍန္ဍန္ေဂႜံေဂႜံရ။

ဓ၀္ဓမၼစက္ဟုီဂွ္ ယၞဳဓ၀္ဏံေပင္ေပင္ေတွ္ `ဓမၼစကၠပၸ၀တၱနသုတ္´။ ဓ၀္ဓမၼစက္၀ြံ မဒွ္တြဟ္ေဍာင္ဓ၀္ တႜှမႝဳံကုပိုန္က်ာ္ႀတဲ ကုိပ္ကႜာအုိတ္။ က်ာ္ႀတဲဒွ္က်ာ္တုဲ သြက္ဂြံတြံဓ၀္ဂွ္ မွာၿဗဳီအာတ္ပါန္ အေခါင္ရ။ ဒွ္က်ာ္တုဲ လုကၜ႓ါဂိတု ဿဂိတုဒဂုိန္ေပင္ဂွ္ က်ာ္ႀတဲတြံဓ၀္ ဓမၼစက္။ ဗြဲကုိပ္ကႜာ ကုညးလုဪမြဲ ဂြံတြံကုဪဓ၀္ေရာဂွ္ က်ာ္ႀတဲျဂင္ ဗစာရဏာရ။ က်ာ္ႀတဲျဂင္စပ္ကုဪ သြက္ဂြံတြံထ႟းကုဪဓ၀္ ကုရသိ အဠာရကာလာမ ရ။ ဆဂး ရသိ၀ြံ နဴေလာန္ကႜဳင္ သတၱဟတုဲကႜဳင္ေတံဂွ္ စုတိအာ နကုဪဇ်ာန္တုဲ အာကတုဪဒွ္ ဿဍဳင္ၿဗဳီေတံရ။ နဴဂွ္ပႜန္ က်ာ္ႀတဲညာတ္အာ ရသိ ဥဒကရာမပုတၱ ပႜန္ရ။ ရသိ၀ြံေလ၀္ နဴဗတံဏံရ စုတိအာတုဲ ကတုဪဒွ္မံင္ ဿဍဳင္ၿဗဳီေတံရ။

ရသိ႓ါ၀ြံ မဒွ္အာစာ က်ာ္ႀတဲဗြဲကုိပ္ကႜာ ညးမေစႝာန္ထ႟း ကုဪနဲကဲ သြက္က်ာ္ႀတဲ ဂြံကလိဂြံ ဇ်ာန္စုဪကုဪဍဳင္ၿဗဳီမာန္ရ။ နဴက်ာ္ႀတဲတိတ္ပခမှတုဲ ကာလေဒၢတ္ဓ၀္ ဗြဲကုိပ္ကႜာဂွ္ ဆုဪဂဗကုဪရသိ႓ါ၀ြံတုဲ ဂုိင္နိႆဲေကတ္ ဒေလာံဗေတာန္ ဇေရင္ရသိ႓ါ၀ြံရ။ ဿဒႝာဲဏံ၀ြံ ပုိယ္ဒးသမၱီမြဲ။ နဴကႜာက်ာ္ႀတဲ ဟြံကတုဪဏီေတံဂွ္ ``သှလ၊ သမာဓိ´´ ႏြံတၜမံင္ေပင္ေပင္ေရာင္။ ေဒၢတ္လၝတ္ သြက္ဂြံကလိဂြံဇ်ာန္ ညံင္ဂြံစုိပ္ဍဳင္ၿဗဳီ မာန္ဂွ္ေလ၀္ ႏြံမံင္ေပင္ေပင္ရ။ ဆဂး - `ပညာ´ ညာဏ္တီ႐ုပ္နာံ ဟၞဲတုဲ ညးမကလိဂြံ နိဗၺာန္ဟၞဲဏီရ။ က်ာ္ႀတဲေလ၀္ အတုိင္သှလ၊ သမာဓိႏြံတၜမံင္ ေႀတံဂွ္ ကေလင္ဂုိင္ေကတ္တုဲ က်ာ္ႀတဲထပ္တြံဗေပင္စုတ္ `ပညာ´ မတြံဂးညာဏ္တီ႐ုပ္နာမ္ မြဲပႜန္ရ။ `ပညာ´ ညာဏ္တီ႐ုပ္နာမ္၀ြံ ကတုဪဒွ္ကႜဳင္နဴ ၀ိပႆနာေရာင္။ ဟုိတ္ဂွ္ရ- တိတ္ဒွ္အာ ``သှလ၊ သမာဓိ၊ ပညာ´´ ဣ၀ြံသမၱီဍန္ဍန္။

ပုိယ္ကေလင္ ဆက္ဂလာန္ နဴကႜင္ဏံပႜန္။ ဟုိတ္ဂွ္ရ- က်ာ္ႀတဲ သြက္ဂြံတြံထ႟းကုဪဓ၀္ ကုခမှပၪၥ၀၀္မသုန္တုဲ ျပာပ္အာဇေရင္ၿဂဳိပ္ မိဂဒါ၀ိုန္ရ။ ဿဇေရင္ခမှပၪၥ၀၀္မသုန္ ၀ြံေလ၀္ က်ာ္ႀတဲေကင္သၸဒတၜလ၀္ မြဲစံြကုီရ။ အခိင္ဂွ္ က်ာ္ႀတဲေဒၢတ္ ဒုကၠရစရိယ မတြံဂး အတၱကိလမထာနဳေယာဂ (ေအင္စႝတုဲ ပြမပ်ဲပ်ာံ ဟကုဇကု) ရ။

က်ာ္ႀတဲ သၸပဓာန္ကုဪ ခမှပၪၥ၀၀္မသုန္တုဲ မြဲဟာန္ေကုာံ ေဒ၀တၜ၊ အိန္၊ ၿဗဳီ ဂမႜဳိင္ မဂႜဳိင္ကုဪလၞိဟ္ဂႝန္ဂွ္ က်ာ္ႀတဲတြံထ႟းဓ၀္ ဓမၼစက္ရ။ ဓ၀္ဓမၼစက္၀ြံ ပုိယ္သေရာပ္ေကႜံ ၾကက္ဍန္ဍန္ေဂႜံေဂႜံေတွ္ က်ာ္ႀတဲဟုီကုဪခမှပၪၥ၀၀္မသုန္ ``ယြံခမှတအ္ ဓ၀္႓ါျပကာဂွ္ အဲက်ာ္ႀတဲေ၀င္ပဲါ တတ္သကုတ္ေကႜံတုဲ အဲက်ာ္ေဒၢတ္တၜ နကုဪေဒၢတ္ မဇၨ်ိမပဋိပဒါ ရ။ အဲက်ာ္ေဒၢတ္တၜ နကုဪဂႜံင္တ႐ၜ မဇၨ်ိမပဋိပဒါတုဲ လၞဳဟ္အဲက်ာ္ ပြမဒးတန္ပဋိသႏၶိ႓ါ၀ါဂွ္ ဟၞဲရ´´။

ညးမၢးဓ၀္႓ါ မဂပ္၀္ေ၀င္ပဲါဂွ္ေရာ
(၁)ကာမသုခလႅိကာနဳေယာဂ = ပြေထႝန္စပ္ မက္ဂႜက္ဿအာ႐ုီကာမဂုန္။
(၂)အတၱကိလမထာနဳေယာဂ = ပြမပ်ဲပ်ာံ ဟကုဇကု မပတံ ပြမေအင္စႝ၊ ပြမစဲတၝဲတုဲ ပၞ၀္ဓ၀္၊ ပြမလုိန္ပၞတ္၊ ပြမဖအင္ပၞတ္ ကုခႏၶကာယ၊ အခိင္႓ုိဟ္ဂံက္မၢး ပြမတုင္ဇကု ဿဍာ္။

ဓ၀္႓ါသာ္၀ြံ က်ာ္ႀတဲပုိယ္ နဴကႜာဂြဳိအ္က်ာ္ဏီ ေကင္ေဒၢတ္လၝတ္မံင္ရ။ ေအင္စႝတုဲ ႓ုိန္ေဒၢတ္လၝတ္ကုီေလ၀္ ဟြံကလိဂြံညာဏ္ေတၞင္တုဲ ဟုိတ္ဂွ္ရ က်ာ္ႀတဲတြံလ၀္ `မဇၨ်ိမပဋိပဒါ´။ မဇၨ်ိမပဋိပဒါမၢးဂွ္ ေဒၢတ္လၝတ္မဒွ္လေဒါ၀္။
ဣလုဪေရာ ဓ၀္မဇၨ်ိမပဋိပဒါ? ေဍာင္ဓ၀္မဂၢင္ဒစာံေရာင္။ (ေဍာင္ဓ၀္မဂၢင္ဒစာံ တအ္ဂွ္ နဴကေဏံေတံ ထမံက္လ၀္ ဿကၬဳိပ္လိက္ `သဇုိင္ဗုဒၶဘာသာ´ တုဲဣယ်၊ ကေလင္သၝှဂႜိပ္ညိ။ ဿဒႝာဲဏံ ဟြံထပ္ထမံက္ထ႟းရ)

ႀကၜနဴေဒၢတ္လၝတ္ မဇၨ်ိမပဋိပဒါတုဲ ဗုီညာဏ္တအ္ ကတုဪကႜဳင္ဂွ္ က်ာ္ႀတဲေျမာ္ဟုီတြံထ႟းရ။ တုဲပႜန္ ဗုီတီညာတ္ေကတ္ ဒဒုိက္၊ မဒွ္ဟုိတ္ဒဒုိက္၊ အရာမတိတ္ဗႜးနဴဒဒုိက္၊ ဂႜံင္တရၜမဒွ္ဟုိတ္ တိတ္ဗႜးနဴဒဒုိက္ ေကာ္ခၜစ ဓ၀္သစၥပန္ဂွ္ က်ာ္ႀတဲဆက္တြံထ႟းရ။ (ပေရာဓ၀္သစၥပန္၀ြံေလ၀္ တႝီလုပ္လၞိဟ္ ဿကၬဳိပ္လိက္ `သဇိုင္ဗုဒၶဘာသာ´ နဴကေဏံေတံ ထမံက္ထ႟းလ၀္တုဲ ကေလင္သၝှဂႜိပ္ညိ)။

နဴဓ၀္သစၥပန္တုဲ နကုဪဂႜံင္တရၜ မဒွ္ဟုိတ္သြက္ဂြံတိတ္ဗႜးနဴ ဒဒုိက္ဂွ္ က်ာ္ႀတဲကေလင္ထမံက္ထ႟း မဇၨ်ိမပဋိပဒါ ပႜန္။

ဟုိတ္ဂွ္ရ- သြက္ဂြံသမၱီေလာဲ ပုိယ္ကေလင္သ႐ုပ္ေကႜံ ႀကက္ဓမၼစက္ ဍန္ဍန္ေဂႜံေဂႜံမၢး --
ဓ၀္႓ါျပကာ မတြံဂး ကာမသုခလႅိကာနဳေယာဂ= ပြမေထႝန္စပ္ မက္ဂႜက္ဿအာ႐ုီကာမဂုန္၊ အတၱကိလမထာနဳေယာဂ= ပြမပ်ဲပ်ာံဟကုဇကုတုဲ ေဒၢတ္ဓ၀္တအ္ဂွ္ ဂပ္၀္ေ၀င္ပဲါ။
ေဒၢတ္မဇၨ်ိမပဋိပဒါ မတြံဂး ေဍာင္ဓ၀္မဂၢင္ဒစာံ တအ္ဂွ္ ေဒၢတ္လၝတ္။
ပြမတီကႜဳိဟ္ခႜင္ေကတ္ ဓ၀္သစၥပန္တုဲ ဂႜံင္တ႐ၜ မဒွ္ဟုိတ္တိတ္ဗႜး နဴဒဒုိက္တအ္ဂွ္ မဒွ္ဂႜံင္တရၜ မဇၨ်ိမပဋိပဒါ မတြံဂး မဂၢင္ဒစာံပႜန္ရ။ ဣ၀ြံ မဒွ္ဓ၀္ဓမၼစက္ ဍန္ဍန္ေဂႜံေဂႜံေရာင္။

ကုဪဒွ္တသုိက္အုိတ္ညိ။